每逢一年一度生日 ，總想同家人朋友好好慶祝一下。不過香港物價高企，出街慶祝都唔平架！好彩而家有唔少商戶都會為壽星仔、壽星女提供 生日優惠 ，就等MoneyHero.com.hk為大家搜羅2016年各式各樣嘅 生日優惠 ，等大家可以開開心心，又錫住荷包咁過生日！（2016年8月更新資料）
餐飲美食
1）灣景國際灣景廳
灣景國際灣景廳推出「盛夏蟹宴」自助晚餐，以阿拉斯加皇帝蟹腳同加拿大雪花蟹腳等美食作主打，而8月壽星仔女只要於正日與親友惠顧即可獲送生日甜品一份。 不過入座時記得要出示返有效證明文件至可以享用呢個優惠。按此了解詳情。
2）城景國際酒店
城景國際酒店推出生日優惠，每4位惠顧客人，就有一位8月生日嘅壽星就可以免費享用City Café 「蟹」逅海鮮自助晚餐，而且每位客人都會獲送海鹽照燒皇后蟹腳伴日式柚子醋汁1客。優惠8月31日到期，有興趣嘅朋友記得上酒店Facebook領取優惠，想知更多優惠詳情，請瀏覽官方網站。
3）The Mira Hong Kong
The Mira亦有推出生日優惠，生日之星可以喺生日一周內同朋友一齊去WHISK食晚餐，酒店就會送汽酒1杯及生日蛋糕1個。不過要留意番個優惠只適用於星期一至六（包括公眾假期）。大家有興趣嘅話記得要最少一日提早上官網預訂。
4）香港半島酒店
半島酒店最近推出咗「快樂生辰獎賞」優惠，由即日起至2016年12月30日，客人只要喺生日月份內惠顧酒店大堂茶座晚市套餐4位或以上，即可享一客免費套餐同生日蛋糕一個。晚餐每位收費$455，另收加一服務費。不過呢個優惠唔適用於啲特別日子，有興趣嘅朋友要留意番官方網站喇。
5）香港黃金海岸酒店
由即日起至2016年12月31日，喺生日月份入住黃金海岸酒店，星期日至五每晚只需$2,388，而星期六、公眾假期及其前夕亦只需$2,688。優惠包括豪華海景客房住宿1晚、雙人自助早餐、雙人自助晚餐、生日蛋糕1個以及汽酒1支。住客仲可以延長退房時間至下午3點，同埋免費享用客房迷你酒吧添！詳情請瀏覽官方網站。
6）信和集團旗下酒店
信和薈會員只要憑會員卡就可以喺生日月份於信和集團旗下酒店（包括皇家太平洋酒店、城市花園酒店、香港黃金海岸酒店及港島太平洋酒店）享用免費自助晚餐一次（須攜同最少一位成人親友惠顧），詳情請瀏覽官方網站。想入會嘅朋友可以按此申請。
7）新地會指定酒店
由新鴻基地產成立嘅新地會亦有為會員提供生日獻禮，新地會會員只要喺生日月份惠顧帝景酒店、帝都酒店、帝京酒店、香港九龍東皇冠假日酒店或挪亞方舟度假酒店嘅指定餐廳，就可以享有唔同嘅生日優惠！譬如生日嘅會員同3位同行惠顧帝景軒自助晚餐，就可以獲贈生日蛋糕一個，兼且全枱可享75折！只要你年滿18歲就可以入會喇，新地會亦唔會收取會費。詳情可參考官方網站。
消閒娛樂
1）海洋公園
海洋公園今年加咗價，不過遊客只要喺海洋公園票務部出示香港身分證明文件或香港出生證明書，就可以喺生日當日日間免費遊覽海洋公園架喇！詳情請瀏覽官方網站。
2）香港杜莎夫人蠟像館
香港杜莎夫人蠟像館繼續推出「生日之星」免費入場優惠，由即日起至2016年12月31日，訪客只須於喺生日當日、前一天或後一天到蠟像館出示身分證，就可以免費入場！壽星仲可以獲贈生日禮物，包括生日卡及蠟像館禮品店優惠券，同行嘅親友亦可享正價門票半價優惠（最多3位）添！詳情請瀏覽官方網站。
3）Trick Eye特麗愛3D館
Trick Eye冇Trick You！呢度係香港，當然有香港人嘅生日專屬優惠啦！只要喺生日正日出示身分證，Trick Eye就請你免費入場！詳情請瀏覽官方網站。
4）Neway（旺中、創興、九龍城太子匯、元朗合益）
Neway幾間分店都有生日優惠，不過就間間優惠唔同。以旺中同創興Neway為例，如果喺生日正日前後5日內去呢2間Neway，就可以免1位人頭費（Lunch時段除外）。而九龍城太子匯Neway，只要喺生日正日或前後5日，人數有5位或上，就可以免一位人頭費兼送蛋糕香檳。另外，喺生日正日或前5日去元朗合益Neway即送壽包仔。 即上官網了解優惠詳情。
5）挪亞方舟
如果加入挪亞FUN分CLUB，除咗可以免費換領即日門票換票券乙張外，全年買飛都有8折優惠。如果喺生日月份去挪亞方舟，壽星可以免費入場，而同行一位親友更有半價門票優惠添！仲有，喺豐盛閣餐廳食自助晚餐仲會免費送1磅生日蛋糕乙個（須預約）！瀏覽官方網站了解詳情。
6）Magical World 奇幻館
尖沙咀3D奇幻世界早前改以迪士尼為主題，改名為Magical World奇幻館。館內除咗設有夜光迪士尼畫區，更喺不同主題區域加入聲效、氣味同光效，營造4D體驗。而家凡於生日正日、前3天或後3天到奇幻館，並出示有效證明文件，即送動畫《玩轉腦朋友Inside Out》阿愁11吋毛公仔1隻。不過數量有限，送完即止，想帶阿愁返屋企嘅Fans要快手！按此了解詳倩。
旅遊交通
1）金光飛航
如果你想得閒過澳門玩下，就要留意呢個優惠喇！由2016年1月1日至2016年12月31日起，旅客如果喺生日月份購買生日當月嘅金光飛航市區航線標準艙或頭等艙成人正價單程船票，即可享受標準艙來回套票（每套港幣/澳門幣238元），或者頭等艙來回套票（每套港幣/澳門幣438元）。每人每次最多可買2套來回優惠船票，每7天享受優惠一次。詳情請瀏覽官方網站。
2）昂坪360
由即日起至2016年12月31日，香港居民只要喺生日當天出示香港身分證，就可以免費乘坐昂坪纜車標準車廂（來回）！如果你喺昂坪360已編定保養及維修日當日生日，則可以喺生日月份內任何其他日子蒞臨昂坪360，免費乘坐昂坪纜車標準車廂。詳情請瀏覽官方網站。
3. 港鐵「開心搭，生日獎」
港鐵終於都有生日優惠喇！今年4月起，港鐵會每月抽出下一個月其中一天為中獎日期。所有喺該日生日嘅身分證持有人都可以得到生日獎一份，包括「Happy Birthday全日通」車票、港鐵商場$50現金券、美心西餅$20現金券同美心中菜$100晚膳優惠禮券！張全日通車票喺發出後30日內有效，你可以喺有效期其中一日全日免費任搭港鐵。港鐵會喺每月25日之前抽出下個月嘅中獎日期，而嚟緊8月，喺8月26日出生嘅朋友就可以享受呢個生日優惠嘞！詳情按此。
延伸閱讀：減肥 Keep Fit花費大？慳錢有方法
信用卡
1）渣打 / Mannhattan信用卡
由即日起至2016年11月30日，憑Manhattan / 渣打信用卡於生日月份喺海港城消費滿指定金額，即可享｢生日月份X2獎賞」，單一簽賬滿$500，即獲$50 Facess / Starbucks現金劵；簽滿$10,000，更可獲$1,000 Facess / Starbucks / CitySuper現金券。不過就算撞唔正生日月份，只要用渣打 / Manhattan萬事達卡簽賬都一樣有現金券送，但留意番持卡人只可於生日月份享受優惠一次！想享受呢個生日優惠，就要喺海洋中心嘅渣打信用卡禮品換領處登記。按此查閱優惠詳情。
而家新客戶於網上申請渣打亞洲萬里通萬事達卡只要喺頭2個月內簽滿$7,500都會有$1=2里數優惠，咁計已賺15,000里數！而且食肆、網上及海外簽帳全年都會有$4=1里數優惠，想知更多，立即睇埋我哋嘅：渣打亞洲萬里通萬事達卡 攻略！
2）大新信用卡
大新銀行信用卡而家搞緊生日大抽獎，客戶只要喺生日月份內以大新信用卡作合資格簽賬，並提供有效之電郵地址登記，即可自動參加大抽獎，幸運兒有機會贏取$10,000嘅簽賬回贈架！按此查閱詳情。
3）匯豐信用卡
匯豐信用卡用戶只需出示銀行發出嘅 生日優惠 券就可以喺港麗酒店、國金軒、凱悅酒店、JW萬豪酒店同九龍香格里拉大酒店等商戶享受生日優惠，例如免費生日蛋糕和食品折扣等優惠。
4）Citi Rewards信用卡
Citi Rewards信用卡用戶只要喺生日月份於本地超級市場、百貨公司或電訊公司簽賬，就可以獲得8X積分，即係每使$1就有8分！參加商戶包括百佳、惠康、吉之島、一田、SOGO、有線同香港寬頻等等。小編按：其實呢張卡平時消費都有2%回贈，去超市、百貨公司同電訊公司簽賬都有5X積分，如果你成日去呢以上地方消費，咁呢張卡就好啱你！
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
留言列表
